Sardigna t'at dotadu sa natura
D'unu clima 'e terra selvaggia
'ammirabile,mare e ispaggia
Meraviglia naturale iscultura.
 

Has distesa e ricca pianura
Altu pianu Limbara e Barbaggia
Pastores a s'antiga zente saggia
Coraggiosa e senza paura.

Su sardu a sole e bentu temperadu
Zent'orgogliosa 'e sanu cherveddu
E de alta cultura seculare.

Sos poetas ti han'immortaladu
Cun su cantu issoro e faeddu
S'eroismu ti ana esaltadu.
                 
Tue Sardigna cantu mi ses cara
Ca so naschidu in su tou sinu
Ma luntanu che so e non vicinu
De s'emigrazione vid'amara.

Ma pro mene ses sa pius rara
De sa terra su menzus giardinu
Chi apat criadu su Deus divinu
Cun sa sua immensa, mente giara.

Ses tue Sardigna incantadora
Dotada de bellesa genuina
De ricchesa in fauna e flora,

De sorgentes de abba cristallina
E de minerales puru possessora
Ses coronada da sa bella marina.